قصيدة تبكى من لايبكى

[center]شاب لن اقول انه ( عاق ) لكنه من المؤكد غير
مطيع لوالدته وذلك يتضح من قصيدته الحزينة جدا .. هو ايضا متهور في
قيادته .. ذات مرة تعرض الى حادث توفيت والدته وبقى هو على قيد الحياة

كب هذه القصيدة : -

[ندعوك للتسجيل في المنتدى أو التعريف بنفسك لمعاينة هذه الصورة]

[center]يواسيني و الميت وحالي يجبر الدمعات

يسيل من الذي فيني ويبكي وهو يواسيني

و ابكي واتنهد وارسم بالحزن لوحات

يجبروني عشان امشي ورجلي ماتمشيني

قتلت رعايتي بيدي قتلت الحب والرحمات

حرمت النفس من حقها و ابكيها وتبكيني

وكأنه حلم قدامي يقيدني من الصرخات

ابى اصحى ولبكن مالقيت الي يصحيني

فدااااااك القلب يايمة ومهما قلت من كلمات

صغيرة في كبر حقك بس امنى تعذريني

نهبت الفرحة من بيتي صحيح اني خسيس الذات

صحيح اني ولد طايش وكل ما اسمعه فيني

تجول عيونهم فيني تفصل مني قياسات

وتشيح وجوم عني وكأني غيرت ديني

يظنوا حزنهم اكبر وهم اصحاب هالمأساة

و اتحدى اذا فيهم ربع مايحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

و اشرب حيل من دمك ودمك مايكفيني

يايمة ارجعي ابي اجلس معك لو لحظات

واقبل ايدك ورجلك وافرش لك رمش عيني

يايمة ماتحملهم يقولو فات ماقد مات

تعالي غيري هالقول واطيعك باقي سنيني

واترك عادة التدخين وانفذ ماتبي بسكات

واصلي الفجر في المسجد قبل ما انتي تصيحيني

يايمة ارجعي تكفين وطفي شمعة الاهات

ابيك انتي ولا غيرك على موتك تعزيني

وضميني وداويني مثل ماكانت الهقوات

ما ابي احد يواسيني ابيك انتي تواسيني

دخيلك بس لاتبكي اذا شفتي بي الدمعات

مقوى ابكيك اذا انتي تبكيني

ختاما

اسأل
الله ان يغفر لها ولجميع موتى المسلمين وهنيا لمن كانت امه على قيد الحياة
ليخدمها ويفديها بروحة واقول لصاحب هذه القصيدة الان انتهى الامر وبقي
عليك الدعاء والصلاة لها ولاتنساها من الصدقات فهذا هو برها بعد وفاتها منك
...

ومن هنا دي كل عاق لوالديه ان يراجع نفسة ويبرهم فطاعة الوالدين مقرونة بطاعة الله ...

وفي الختام حسن السلام

اتمنى عجبكم

[/center]